ခရီးသည်တင် သင်္ဘော ပစ်ခတ်ခံရ၊ ၃ ဦး သေဆုံး

ကရင်ပြည်နယ် ဘားအံမြို့နယ်မှ ရွှေဂွန်းကျေးရွာသို့ ပြေးဆွဲနေသည့် ခရီးသည်တင် သင်္ဘောတစင်းကို ကရင် အမျိုးသား အစည်းအရုံး(KNU)က ပစ်ခတ်မှုကြောင့် လူ ၃ ဦးသေဆုံးခဲ့သည် ဟု ယနေ့ထုတ် စစ်အစိုးရ မြန်မာ့အ လင်း သတင်းစာတွင် ဖော်ပြထားသည်။

အဆိုပါ သင်္ဘောသည် ယမန်နေ့နံနက်ပိုင်းက ရွှေဂွန်းကျေးရွာမှ ဘားအံမြို့သို့ စတင်ထွက်ခွာလာရာ တကောင် ဘိုး ရွာ အနီး၌ သင်္ဘောပေါ်တွင် ပါလာသည့် စစ်အစိုးရ လုံခြုံရေး ရဲတပ်ဖွဲ့ဝင်များနှင့် KNU တပ်ဖွဲ့ဝင်များကြား အပြန်အလှန် ပစ်ခတ်မှု ဖြစ်ခဲ့ပြီး ယင်းခရီးသည် ၃ ဦး သေဆုံးခဲ့ရ ခြင်းဖြစ်သည်။

မြန်မာ့အလင်း သတင်းစာ၌ ရွှေဂွန်း ရွာမှ စတင်ထွက်ခွာလာသော ပြည်တွင်းရေကြောင်းပို့ဆောင်ရေးမှ စောဥမ္မာ ခရီးသည်တင်သင်္ဘောသည် တကောင်ဘိုး ရွာမှ ဆက်လက်ထွက်ခွာလာစဉ် KNU အကြမ်းဖက်သောင်းကျန်းသူ ၂၀ ခန့်က ကမ်းစပ်မှ လက်နက်ငယ်များဖြင့် စတင်ပစ်ခတ်ခဲ့သဖြင့် သင်္ဘောပေါ်မှ လုံခြုံရေး ရဲတပ်ဖွဲ့ဝင်များက ပြန်လည်ပစ်ခတ်ခဲ့ကြောင်း ရေးသားထားသည်။

ပစ်ခတ်မှုကြောင့် လူ သုံးဦးသေဆုံးပြီး နှစ်ဦးဒဏ်ရာ ရရှိသွားဟု ဆိုသည်။ ၎င်း ဒဏ်ရာရရှိသူများကို ဘားအံ ပြည်သူ့ ဆေးရုံသို့ ပို့ဆောင်ပေးခဲ့ကြောင်း သိရသည်။

KNU ဒုတိယ ဥက္ကဌ ဒေးဗစ် သာကပေါကမူ ယင်း သင်္ဘောအား ပစ်ခတ်မှု နှင့် ပတ်သက်ပြီး မည်သူ ပစ်သည်ကို မသိရသေးကြောင်း ဧရာဝတီသို့ ပြောသည်။

“အဲဒါ KNU လက်ချက် ဟုတ်မဟုတ် မသေချာဘူး၊ အဲဒီလိုင်းကတော့ နအဖက ဘားအံဘက်ကို ထိုးစစ်ဆင်မယ် ဆိုတဲ့အခါကျတော့ အဲဒီလိုင်းမှာ ရှုပ်ရှုပ်ထွေးထွေးလေးတွေရှိတယ်”ဟု ၎င်းက ဆိုသည်။

အခင်းဖြစ်ပွားရာ လမ်းကြောင်း တလျှောက်တွင် KNU ပြောက်ကျားတပ်ဖွဲ့ဝင်များ လှုပ်ရှားနေသကဲ့သို့ နအဖ နှင့် ပူးပေါင်း၍ တိုးတက်သော ဗုဒ္ဓဘာသာ ကရင်အမျိုးသားတပ်ဖွဲ့(DKBA) တို့ကလည်း လှုပ်ရှားနေကြောင်း သိရ သည်။

နအဖ စစ်အစိုးရသည် မြန်မာပြည်အတွင်း၌ ဗုံးပေါက်ကွဲမှု နှင့် ပစ်ခတ်မှုများ ဖြစ်ပွားခဲ့သည့် အခါတိုင်း နယ်စပ် အခြေစိုက် လက်နက်ကိုင်တပ်ဖွဲ့များ၏ လက်ချက်ဖြစ်ကြောင်း စွပ်စွဲလေ့ရှိသကဲ့သို့ ယင်းအဖွဲ့အစည်းများ ကလည်း ငြင်းဆိုလေ့ရှိကြသည်။

Set as favorite

Bookmark

Email this

Comments (7) Add Comment

...
written by ဇွဲကပင်သား, November 29, 2009

ဘယ်သူပဲ လုပ်လုပ် အပြစ်မဲ့တဲ့ ပြည်သူတွေကို သေကျေ ပျက်စီးစေတဲ့ အတွက် မလုပ်သင့်တာတော့ အသေအချာပဲ။ ကျနော့်ဇာတိမြေ ဖြစ်တဲ့အတွက် ဒီလိုမျိုး ဖြစ်ရပ်တွေကို ငယ်စဉ်ကတည်းက နားနဲ့ မဆန့် အောင်ကြားခဲ့ရသလို၊ သေဆုံးတဲ့အထဲမှာ ပါသွားတဲ့ ဆွေမျိုး မိတ်သင်္ဂဟတွေလည်း အများကြီးပါပဲ။ ရန်သူကို တိုက်ချင်ရင် (ဘယ်ဘက်ကပဲဖြစ်ဖြစ်) ဒီထက်ကောင်းပြီး ဂုဏ်ရှိတဲ့ နည်းဗျူဟာတွေကို သုံးပြီး တိုက်ကြပါလို့ ပဲ ပြောချင်ပါတယ်။

တခုခုဖြစ်ရင် KNU ဘဲလုပ်နေကြ
written by မောင်ပျင်း , November 12, 2009

KNU လို့စွတ်စွဲရအောင် ဘာသက်သေ အထောက်အထား ရှိလို့လဲ။ နအဖ က ပြသနာတစ်ခု တက်တိုင်း လက်နက်ကိုင်တွေ ကို စွတ်စွဲနေတာ ရိုးနေပြီ

စွပ်စွဲခံရသူ
written by မြန်မာပြည်သူ, November 12, 2009

အမှု့မှန် မဖေါ်ထုတ်နိုင်တိုင်း အလျှင်စလို စွပ်စွဲခံရသူမှာ KNU သာဖြစ်ပါသည်။ တစ်ကယ်တော့ ဘယ်သူတွေ လူသတ်တယ် ဘယ်သူတွေ ကိုယ်ကိုးကွယ်တဲ့ ဘုန်းကြီးတွေကို သတ် တယ် ဆိုတာ မြန်မာပြည် တွင်း သာမက ပြည်ပကတောင် အော် ယူရတဲ့အဖြစ်ပါ လယ်ပြင်မှာ ဆင်သွားသလို ထင်ရှားလှပါတယ်။

who is the killer?
written by fun, November 12, 2009

we don't know who is the killer.
it can be accident.
the killer is dkba soldiers. who knows?
yes, the killer is KNU. who knows?
SPDC is also notorious. spdc guys can be the killers.

june's comment is not appropriate.
who is june?
spdc diplomat?
they are buys with keeping an eye on the media.
they are happy to give comment without giving their real name.
what a shame!

true and honest
written by Aung Aung, November 11, 2009

The "regime" is clever and have many strategies and watching the media to contron in Burma. It is really dangerous for the midia group. All "true and honest" media group in myanmar should look after themself to avoid the military role play as well.