မီဇိုရမ်ပြည်နယ် အိုက်ဇောမြို့လယ်ရှိ ၃ ကီလိုမီတာ ရှည်လျားသော လမ်းတလျှောက်တွင် မီဇိုးရိုးရာဝတ်စုံများဖြင့် အကသမား ၁၀၇၃၆ တို့က ၇ မိနစ်ကြာမြင့်သည့် ရိုးရာသီချင်းဖြင့် ယမန်နေ့ နေ့လယ်၌ ကပြခဲ့ကြပြီး ကမ္ဘာပေါ်တွင် လူအများဆုံးပါဝင်သော၊ အရှည်လျားဆုံးသော၊ အကြီးကျယ်ဆုံးသော ၀ါးညှပ်အက အဖြစ် စာရင်းဝင်နိုင်ရန် ကြိုးပမ်း ခဲ့ကြခြင်းဖြစ်သည်။
၂၀၀၉ ခုနှစ်က ဂင်းနစ်စာအုပ်တွင် မှတ်တမ်းဝင်ထားသည့် ဗီယက်နမ်နိုင်ငံမှ ၀ါးညှပ်အကတွင် ကပြသူ ၇၇၀၀ သာ ပါရှိခဲ့သည်။မီဇိုးတို့၏ ရိုးရာအက မတိမ်ကောစေရန်နှင့် ကမ္ဘာကသိစေရန်အတွက် ဤသို့လုပ်ဆောင်ရခြင်းဖြစ်ကြောင်း မီဇိုရမ်ပြည်နယ် ၀န်ကြီးက သတင်းထောက်များကို ပြေကြားကြောင်း အိန္ဒိယ သတင်းဌာနများတွင် ဖော်ပြထားသည်။
“ဒီလို မှတ်တမ်းဝင်သွားတော့ ကျမတို့ ဒီပွဲမှာ ပါဝင်ခွင့်ရလိုက်တာကို အရမ်းဝမ်းသာမိပါတယ်”ဟု ၀ါးညှပ်အက ကသည့် မီဇိုးအမျိုးသမီးတဦးက ဧရာဝတီသို့ပြောသည်။
အဆိုပါ အကအဖွဲ့များတွင် မီဇိုရမ်ပြည်နယ်တ၀န်းမှ ကျောင်းသားလူငယ်များ၊ မီဇိုးလူမှုအဖွဲ့အစည်းများ နှင့် မီဇိုရမ် ပြည်နယ်တွင်း ရောက်ရှိနေသော မြန်မာလူမျိုးတချို့တို့လည်း တပျော်တပါး ပါဝင်ကပြကြသည်ဟု ဒေသခံများကဆိုသည်။
မီဇိုးဘာသာဖြင့် Cheraw ခေါ်သော ၀ါးညှပ်အကမှာ Chapchar Kut ခေါ် ကောက်ရိတ်သိမ်းခြင်းအထိမ်းအမှတ်နှင့် ဆောင်းရာသီကုန်ဆုံးခြင်း အထိမ်းအမှတ် ရိုးရာပွဲတော်တွင် ရိုးရာတူရိယာများဖြစ်သည့် မောင်း၊ လင်းကွင်း၊ နွားနောက် ဦးချို စသည်တို့ဖြင့် တီးမှုတ်၍ခမ်းနားစွာ ကပြလေ့ရှိသည့် ရိုးရာ အကတခုဖြစ်သည်။
ဝါးညှပ်အက ဆိုသည်မှာ အကွာအဝေးတူညီစွာ လေးကွက်ကျ စီတန်းချထားသော ၀ါးလုံးရှည်များကို စည်းချက်ကျကျ ၀ါးတလုံးနှင့်တလုံးရိုက်ခတ်သည့်ကြားတွင် ကပြသူများက အလှည့်ကျ ၀င်ထွက်ကပြရသော အကတမျိုးဖြစ်သည်။
အဆိုပါ ၀ါးညှပ်အကကို အရှေ့တောင်အာရှနိုင်ငံများဖြစ်သည့် ဗီယက်နမ်၊ မလေးရှား၊ အင်ဒိုးနီးရှား၊ ဖိလစ်ပိုင်နှင့် ထိုင်းနိုင်ငံတို့တွင်လည်း ကွဲပြားသည့် ကပြပုံမျိုးဖြင့် မြင်တွေ့နိုင်သည်။
မြန်မာနိုင်ငံတွင်မူ ကရင်တိုင်းရင်းသားများနှင့် ချင်းတိုင်းရင်းသားတို့၏ ရိုးရာအကအဖြစ် တွေ့မြင်နိုင်သည်။
ချင်းပြည်နယ်နှင့် ထိစပ်နေသော မီဇိုရမ်ပြည်နယ်တွင် ရက်ကန်းနှင့် ကုန်သွယ်မှုများ လုပ်ကိုင်နေသော မြန်မာလူမျိုး တို့ သည်လည်း ထို ကပွဲသို့ သွားရောက်ကြည့်ရှုခဲ့ကြပြီး မြန်မာ့ရိုးရာယဉ်ကျေးမှုများကို ကမ္ဘာသိရန် ပြုလုပ်ခွင့်ရချင်သည်ဟု ဆိုကြသည်။
“သီချင်းသံနဲ့ ၀ါးရိုက်သံတွေကြားက စည်းချက်ကျကျ က နေတာကို ကြည့်ရတာ သိပ်လှတယ်။ အိုက်ဇောတမြို့လုံး တီဗီအကြီးကြီးတွေနဲ့ အဲ့ဒီ အကကို ပြနေတယ်။ ပြည်နယ်လူကြီးတွေကလည်း ဒီအတွက် အားပေးတာတွေက အားကျ စရာပဲ”ဟု မြန်မာပြည်သား ကိုထွေးက ပြောပြသည်။
သူကဆက်၍ “ကျနော်တို့နိုင်ငံမှာလည်း ဒီလိုလှတဲ့ ရိုးရာတွေ အများကြီးရှိတယ်။ သူတို့တွေ ရိုးရာယဉ်ကျေးမှုမပျောက် အောင်၊ ကိုယ့်ရိုးရာကို ကမ္ဘာက သိအောင်လုပ်တာမျိုး ကျနော်တို့တိုင်းပြည်ကလည်း အတုယူစေချင်တယ်။ လုပ်သင့် တယ်လို့ထင်တယ်။ အဲ့ဒီလိုမျိုး ကျနော်တို့လည်း ကိုယ့်မြန်မာ့ရိုးရာတွေ၊ အကတွေကို ကမ္ဘာကသိအောင်လုပ်စေချင်တယ်” ဟု ပြောဆိုသွားသည်။
Set as favorite
Bookmark
Email this
Hits: 4270
Comments (2)
written by lwin khine, March 13, 2010
I give my full admiration and compliment to the Chapchar bamboo dancers in Mizoram. I really appreciate the way they are upholding as well as upgrading their cultural dance including this Chapchar Kut dance. As far as i know, i ever read that an Asian linguist, Shakespear wrote a number of decades back in the past, according to his linguistic survey, that the hill people who are living in Myanmar are called "Chin" and those in India are called "Kuki". Further, they are also under different various names according to their dialectical groups such as Mizo or Zofa, Thadou, Paihte, Hmar, Kipgen, Haokip, Sithlou, Zo, Kom, Vaiphei, etc being under the name of "Kuki" as a generic term historically; and Hakha, Falam, Teddim, Mindat, Matu, Kampalet, Paletwa, Haokip, Kipgen, Mizo, M'ro, Yaw, etc bearing the name of "Chin" as a governmental, generic name historically. Therefore, this two group pluses only one. They have the same origin and tradition regardless of having distinctive differentiated dialects. I really admire of what the Mizos in Aizawl, India, have done with their cultural settings breaking the world Guinness book records in this bamboo dance. Besides, i ever heard that they gained a prize or something like breaking a world record in area of book publication, I might be wrong with this uncertain memory i have. If ever somebody knows well about it, kindly share it to all of us. 
-
- +0
-
-
Write comment
| < Prev | Next > |
|---|
